Totò: Chist'uocchie tuoie

(¯`*•.¸Momenti di VITA¸.•*´¯)
https://www.facebook.com/groups/227092510835355/

Chist'uocchie tuoie che cagnano
culore ogne mumento
so' belle quanno chiagneno,
so' chine 'e sentimento,
comm' a ddoje fiamme ardente
songo stelle lucente
ca tiene 'nfronte tu!
Uocchie ca me parlate,
dicitencello a chi ve tene 'nfronte
ca quanno me guardate
me sbatte 'o core 'mpietto comm' a cche...
Uocchie ch'annamurate,
vuie site 'a luce 'e tutta 'a vita mia...
dicitelo a Maria
ca senza 'e 'st'uocchie nun pozzo campà!
Chist'uocchie tuoie ca parlano
direttamente o core
parole ca 'ncatenano, sulo parole amare,
chist'uocchie ca' 'ncatenano
comme te 'ncanta 'o mare,
songo ddoje cose rare,
chesti ddoje luce blù!
Chist'uocchie tuoie me parlano
direttamente o core.
Totò