Eduardo De Filippo: ‘A gatta d’ ‘o palazzo

(¯`*•.¸Momenti di VITA¸.•*´¯)
https://www.facebook.com/groups/227092510835355/

‘A gatta d’ ‘o palazzo
Trase p' 'a porta,
pe nu fenestiello,
pe na fenesta, si t' 'a scuorde aperta,
quanno meno t' 'aspiette.
Pe copp' 'e titte,
da na loggia a n'ata,
se ruciulea pè dint' 'a cemmenera.
E manco te n'adduone
quann'è trasuta:
Pe copp' 'o cornicione
ploffete! int' 'o balcone,
e fa colazione
dint' 'a cucina toia.
È 'a gatta d' 'o palazzo.
Padrone nun ne tene.
Nunn' è c' 'a vonno male,
ma essa 'o ssape
che manc' 'a vonno bene.
Te guarda cu dduie uocchie speretate:
lèsa.
N'ha avute scarpe appresso e ssecutate.
È mariola!
Ma 'a povera bestiella, c'adda fa?
È maríola pecché vò mangià.
È mariola...
Chest' 'o ddíce a' ggente;
ma i' nun ce credo, pecché, tiene mente:
tu lasse int' 'a cucina, che ssaccio...
nu saciccio.
Lasselo arravugliato
dint' a na bella carta 'e mille lire.
Tuorne 'a matina:
'a mille lire 'a truove, che te crire?
Nzevata. Ma sta llà.
Scritta da Eduardo De Filippo