☆ NAPULE È 'NA CANZONA ☆

'A CARTULINA 'E NAPULE ca tuttu quante canuscimmo, tene stampato 'o Vesuvio e 'o mare ca ll'accarezza, pe' ttramente ca 'a città 'nce se specchia 'a rinto, comme si fosse n'ACQUERELLO NAPOLETANO, e se l'abbraccia comme si 'nzieme stesseno ANEMA E CORE. 
'O furastiero dice ca chisto è 'O PAESE D'O SOLE, addò 'o napulitano po' cantà 'O SOLE MIO cu 'na PASSIONE ca 'e vvote po' addeventà adderettura 'na MALATIA. 
Napule è accussì prezziosa ca 'nce servesse 'A CASCIAFORTE si 'a vulesse tenè TUTTA PE' MME. 
E tu CERASELLA, ca si 'a REGINELLA d'o core mio, VIENEME 'NZUONNO dint'a 'na NUTTATA 'E SENTIMENTO, e ACCAREZZAME cu 'e mmanelle toje DOCE DOCE. 
Ammore mio, TU SI 'NA COSA GRANDE pe' mme, TE VOGLIO BENE ASSAJE, ma accussì assaje ca I' TE VURRIA VASÀ cu 'na FRENNESIA ca po' me facesse cantà 'A CANZONA D'A FELICITÀ. COMM'È BBELLA 'A STAGIONE piccerella mia, e si stesse mmiez'o mare 'ncopp'a 'na varchetella 'MBRACCIO 'A TE, cu 'NA VOCE, 'NA CHITARRA E 'O PPOCO 'E LUNA te cantasse 'na CANZONA APPASSIUNATA e bbella. 
COMME FACETTE MAMMETA 'o ssaccio meglio 'e te, ma ADDUORMETE CU' MME e NUN ME SCETÀ, pecchè stanotte voglio sunnà cu' tte!