La seconda narra del raccapricciante omicidio compiuto da Giuditta Guastamacchia e i suoi complici, i quali uccisero il marito di lei e tagliarono il suo corpo a pezzi, per spargerli in tutta la città di Napoli: le modalità della loro condanna a morte furono altrettanto orribili e i colpevoli furono esposti alla Vicaria.
Per gli amanti della nostra lingua, questa è la storia di Giuditta Guastamacchia : “Giuditta Guastamacchia nun teneva cchiù ‘e trentacinche anne quanno, cull’ajuto ‘e l’amante, d”o pate e ati dduje uommene, nu chirurgo e nu barbiere, accidette ‘o marito e ‘o facette a piezze. Chistu fatto succedette ‘a notte tra ‘o vintitré e ‘o vintiquatto marzo ‘e l’anno milleottuciento. Dieci anne primma Giuditta se teneva a nu prevete, don Stefano d’Aniello, e se ne fujette cu isso a dint’ ‘a casa d”o pate, ma doppo nu poco ‘e tiempo ‘o pate le facette spusà n’ommo ca po fuje mpiccato pecché era mariuolo. P’espiazione essa fuje misa dint’ ‘o munastero ‘e Sant’Antonio â Vicaria; ascette ‘o millesettecientonuvantaquatto, e jette a vivere c’ ‘o prevete ca diceva ‘e essere nu zio d’ ‘o suojo. Pe nun fà suspettà ca se la ntennevane [intendevano] don Stefano ‘a maritaje a nu nepote, ‘o figliastro ‘e sidece anne d’ ‘o frate, e chisto doppo spusato a Napule se ne turnaje a Terlizzi vicino a Bari. Quatto o cinche anne appriesso chistu nepote accuminciaje a penzà ca vuleva denunzià ‘a mugliera, e allora essa e l’amante dicettene ca s’aveva levà a miezo: don Stefano le [gli promise] prummettette nu sacco ‘e sorde, isso venette a Napule e tann’ ‘o putevane accidere. Chella malaserata Giuditta mannaje ‘o marito a piglià ‘e maccarune e mettette a vollere [bollire] na grossa caccavella d’acqua; ‘o prevete se ne jette, e nzieme ô chirurgo s’annacquaje [si nascose] dinto a na casa vicina.. Quanno ‘o puveriello turnaje a casa, essa ‘o facette assettà vicino ô ffuoco, in modo ca ‘o barbiere le puteva taglià ‘e capille: chisto, mmece [invece], l’astrignette na funa ncanna, però visto ca nun mureva Giuditta ‘o menaje nterra e se mettette cu ‘e denocchie [ginocchia] mpietto a isso, p’ ‘o fernì ‘e affucà. A chistu punto chiammajene ‘o prevete e ‘o chirurgo: ‘o miereco ‘o tagliava a piezze, ‘e mettevane dint’ a certi buste e chill’ate ‘e gghievane a jettà ognuno a nu pizzo diverso d’ ‘a città; sulo ‘a capa se vulevane tenè pe nun fà capì chi era muorto: pe nun fà ascì cchiù ‘o sango ‘a vullettene [bollirono], e s’avesse purtata ‘o miereco pe s’ ‘a sturià[studiarla]. Pe tramente ca ‘o barbiere steva jenne a sperdere ‘e braccia, sbagliaje via e se truvaje ‘e faccia ‘e gguardie: se pigliaje paura e facette pe se ne turnà arreto, ma ‘o fermajene e s’addunajene ‘e chello ca purtava – l’ommo dicette na scusa, però na vòta arrestato facette ‘e nomme. Chill’ati, vedenno ca ‘o barbiere nun se faceva vedè se facettene ncapa ca quaccosa era juta storta, partettene verzo â Puglia però fujene accappate. Sotto tortura Giuditta se cantaje tutte cose, e essa, ‘o pate, ‘o chirurgo e ‘o barbiere fujene cundannate a morte: forca pe loro, po strascino e amputazione ‘e mane e capa, ca fujene appese nfaccia ‘e mmure ‘e Castel Capuano. Don Stefano avette ‘o carcere a vita, pecché se dice ca visto ‘o nepote fatto a piezze alluccaje “C’avite fatto!”, a prova ‘e pentimento. (l'immagine Giuditta e i compari)
Nessun commento:
Posta un commento