Friarielli.

‘A guagliona, era na’ rapa. 
 Nun teneva proprio capa; quanno jeva dint’a scola nun capeva ‘na parola. “Quanto soffro, nun se sape 
 (s’a chiagneva, ‘a cim’e rape). 
 E’campà nun me ne firo.. 
 Sa che faccio? I’ mò m’acciro!” 
 Ditto nfatto, ‘a copp’o scuoglio se menaje pe dint’all’uoglio. 
 Ma chest’uoglio era vullente. 
 Che dulore, che turmiente! 
 “E mò sì, ca songo fritte!” 
“Vrucculè, stateve zitte! 
 Ora site assai chiù belle: diventaste friarielle!”