Canto ma nun t'annòmmeno,
nun voglio dicere chi si'.
E tutte s'addimmannano:
"Cantano e sonano?
Pe' chi?"
'A luna, ch'è spuntata, pe' 'sta mandulinata,
'o ssape, e llá pe' llà, te torna a salutà'.
'Mbracci'a te
mme só' 'mparato 'e chiagnere.
Senza 'e te nun saccio cchiù resistere.
Sulo, cu st'aria doce nun saccio stà.
Miétteme 'ncroce, famme cantà'.
E tiene 'o nomme 'e mammema.
Core sacrilego,
pecché te chiamme
comm'a ll'unica ca è stata tènnera cu'mmé?
I' nun capisco comme tenite 'o stesso nomme.
Essa, tutta buntà,
tu, tutta 'nfamità.
'Mbracci'a te ……………..
No, nun te voglio affabbile,
curtese e tènnera cu'mmé.
Pene, turmiente e lacreme,
'mparano 'a femmena ched è.
E cchiù ll'hê dato pene,
chiù t'ha vuluto bene stu core,
ca te vò', crudele, ancora mo.
'Mbracci'a te ……………..
Nessun commento:
Posta un commento