Signora nustalgia

Signora mia, signora nustalgia, puortame nzieme a te, stienneme ‘a mano cumpagna doce d”a malincunia, voglio ca tu m’adduorme chianu chiano. 

I’ voglio dint”e suonne sentì ‘a voce gentile e bella: ‘a voce ‘e mamma mia… nzieme a ‘e ccarezze, ‘o primmo segno ‘e croce, ‘a mazzatella p”a primma buscia… 

 ‘O primmo juorno ‘e scola, ‘a maistrina bionda ‘e capille e cu dduie uocchie blu… comme chiagnette quanno ‘na matina sapette: 

È andata via…non torna più!…- Cammina nzieme a me p”a stessa via addò se somma ammore; Capemonte… Famme turnà abbracciato cu Maria, ferma ‘o mumento ‘e chillu vaso fronte… 

 Signora nustalgia, damme ’e vint’anne, damme ’o surriso, ’a vita, ’a gioventù… ma tu mme sfuje e tornano ll’affanne… ‘nu suonno sulo è stato! E niente cchiù!…