NAPULE 'E STANOTTE

 NAPULE 'E STANOTTE, ASSETTATA 'NCOPP''O MARE LIBERA E DIVERSA, MMIEZ''A VITA CA SCUMPARE 
 NAPULE 'E CHI S'ADDORME GUARDANNO 'O CIELO D''E PERZIANE APERTE 
 NAPULE 'E CHI SONNA, 'E CHI SCETATO ASPETTA 
 NAPULE 'E STANOTTE, CA SI GIOVANE E SI' ANTICA FRAGILE E RIBELLE, SI' CCHIU' NAPULE 'INT''E VICHE 
 NAPULE DE' QUARTIERI ADDO' SE PARLA PURE AMERICANO 
 NAPULE 'E CHI E' SULO, 'E CHI HA PERDUTO 'A METROPOLITANA 

 NAPULE 'E STANOTTE, CHE FAIE AMMORE DINT''E STANZE 'E LIETTO 
 NAPULE 'E STA LUNA, CA NUN T'HA FATTO A CAGNO CU' NISCIUNO 
 NAPULE 'E MERGELLINA, NU VASO SCRITTO 'NCOPP''A 'NA PANCHINA 
 NAPULE 'E NU' RICORDO SOTT'A 'NA BARBA BIANCA 
 NAPULE VAGABONDA, NAPULE 'E TUTTE QUANTE 

NAPULE 'E STANOTTE, SOTT'ALL'ACQUA 'E STE FUNTANE MMIEZ''A MILLE LUCE T'ARREPUOSE PE' DIMANE 
 NAPULE 'E NU' TRANVIERE L'URDEMA CORSA NUN FERNESCE MAIE 
 NAPULE 'E STU SILENZIO CA E' NU' LENZUOLO 'NCOPP''A TUTTE 'E GUAIE 

 NAPULE 'E STANOTTE IO TE RESPIRO MMIEZ''A TUTTE 'E STRADE 
 NAPULE 'E STE MURA BRUCIATE 'E SOLE E CUNZUMATE 'E MARE 
 NAPULE D''E PUPATE CU 'E TACCH' 'A SPILLO FORA 'A GALLERIA 
 NAPULE 'E CHI SE VENNE, NAPULE 'E CHI SE PERDE NAPULE VAGABONDA, NAPULE 'E TUTTE QUANTE.