Scorz''e fenucchio! Tengo nu bruttu pólice 'int''a recchia! Só' bevitore 'e vino e, si mm'arracchio, te scárreco 'a ricanna 'int''o renucchio!... Scorza 'e fenucchio!
Mme tratte comme fosse n'ommo 'e paglia, prumiette sempe e nun mantiene maje. Ma nun capisce che, accussí, mme 'nguaje? Nun saje ca, pe' rispetto a ll'umirtá, 'sta faccia accussì bella 'aggi''a sfriggiá?
Surzo 'e sciarappo! Si arrivo a te piazzá stu miezu scippo, p''o mmerecá nc'hê 'a mettere pe' coppa nu palmo e nu ziracchio 'e sparatrappo. Surz''e sciarappo!
Femmene belle sempe na duzzina n'aggio tenute appése a stu cazone. E mo mme stó' strujenno 'e passione pe' te ca nun canusce caritá, chi sa 'sta pelle addó' 'a vaco a pusá!
Fronna 'e carota! Manco 'a quattuordece anne 'a carcerato. Però, chi mme ce manna n'ata vota, se fa 'nteresse sempe nu tavuto! Fronna 'e carota!
Te si' pentuta? E basta nun fa niente! Chello ch'è stato è stato e vienetenne! C'è poco 'a dí, chi nénna se pretenne, vicino a te nun have a che ce fá! E' 'o stesso affetto ca mme fa spustá!
Tu 'o ssaje ca i' feto! Si nun te 'nfilo 'o junco n'ata vota, cu 'o curtelluccio mio a máneca 'e cato, te scóso 'a 'nanze, 'a dinto, 'a fora e 'a reto! Tu 'o ssaje ca i' feto!
‘O guappo ‘nnammurato, il cui testo è composto da 8 strofe senza ritornello, è una macchietta, ovvero un genere riconducibile allo spettacolo di varietà Ottocentesco. La macchietta è un vero e proprio numero comico che fonde monologo e canzone burlesca ed ironica. Ma a differenza della canzone umoristica, questo genere conferisce alla musica una funzione di mero sottofondo, finalizzato ad assecondare e a favorire l’interpretazione dell’attore/cantante, dando maggiore importanza, invece, alla mimica e alla bravura dell’interprete, vero perno di tal rappresentazione. Pertanto, l’interpretazione può anche essere piuttosto libera: l’attore può addirittura apportare delle variazioni ad libitum, comiche s’intende, al testo base, con il solo nobile scopo di divertire il gentile pubblico.
'O guappo 'nnammurato di Raffaele Viviani canta Nino Taranto
Nessun commento:
Posta un commento