E' facile parlà....
A panza chiena
è facile a parlà
cu chi nun tene niente
e cerca 'e mullechelle pe campà.....
A lietto cenievo e fresche llenzole
tu faie curaggio sulo cu 'e parole
a chi s'addorme 'a sera int''o cartone...
A na femmena che campa senza ammore
tu le dice ca pò sta
'o Paraviso ca cunzola...
A chi sta malato dint''o lietto
l'arripiete "Fatte na preghiera"....
A chi sta in guerra,mmiez''e patimiente
parle d''a pace ca s'adda cercà....
Pirciò stu munno nun se fa capace
e nun va bbuono niente,siente a mme...
' A panza chiena è facile a parlà,
ognuno cerca sulo e se scansà
e cerca a colpa 'e chillo sfurtunato
quanno nun fa nu passo pe ll'aiutà.....
Fernimele cu chest'ipocrisia,
facimme tutte quante 'e prufussure
quanno 'a lezione è commoda
e costa ddoie parole sulamente...
Se sape,ma che malincunia,
nu munno ca se veste cu 'e buscie
"'A panza chiena è facile a parlà"
Nessun commento:
Posta un commento