* 'O BALCUNCIELLO... *

(¯`*•.¸Momenti di VITA¸.•*´¯)
https://www.facebook.com/groups/227092510835355/

* 'O BALCUNCIELLO... *
'O balcone a Napule nunn' è
sulo nu balcone,
è nu sguardo 'ncoppe 'o munno,
ce truove chelle ca vuo',
passione, sentimenti e fantasia,
male parole e cose 'e Dio...
Na capuzzella d' aglio,
quatt' cepolle, nu ramo 'e cerasielle da Calabria.
Na caiola cu nu cardillo ca canta, nu mellone 'e Natale janco, na ceppa 'e pummarulella da muntagna e na cucozza ancora troppa acever'.
In alto, appiso,
tanto nu cuorno, serve po maluocchio,
pe ciucciuvettele e pe male lengue.
Miez', quasi annascosta na vicchiarella
che capille ianche,
cu na voce fine m' addimanne :
"ve piace 'o balcunciell' eh signo' ?
Sapite è tutta a vita mia,
io so rimasta sola
e stu poche 'e roba
me tene cumpagnia.
Saglite prufesso'
ve faccio 'o cafe' faciteme
l' onore..."
Ma che jate ricenne signo',
pe do aggia trasi' ?
L' onore è tutt' o mio !
E dinte a chillu cafe' ce steve na vita,
na giuventu' felice,
n' ammore,
a storia e duie core, ma uno se n'è iute...
Sapite prufesso' io mo nun soffro cchiu', quando se fa sera me mett' cu na seggia
for 'o balcunciello,
a na certa ora passa na stella,
è isso, è 'a stella cchiu' bella,
me vene a saluta' e allora io
'nzerr 'a porta e felice
me ne vac' a cucca' !