https://www.facebook.com/groups/227092510835355/
'O Pate
‘O pate è ‘o capo ‘e casa, ‘o ciucciariello, pecché tira ‘a carretta d’ ‘a famiglia.
‘E figlie, ‘a sera, ‘o fanno na quadriglia, n’applauso appena sona ‘o campaniello.
Chi ‘a copp’ ‘a seggia ‘o vo’ tirà ‘o cappiello, chi ‘o leva ‘a giacca; e st’ommo se ‘ncuniglia,
nun sape a chi vasa’, nu lassa e piglia, addeventa pur’isso guagliunciello.
E chesta scena priesto ‘o fa scurda’ca tene ‘a maglia ‘a sotto ch’è spugnata.
Guè, jatevenne, ca s’ha da cagna’.
Po’ tutte attuorno a’ tavula, ‘ncastiello.
E quanno ‘a caccavella è scummigliata, appizza ‘e rrecchie pure ‘o cacciuttiello.
‘O pate è ‘o capo ‘e casa, ‘o ciucciariello, pecché tira ‘a carretta d’ ‘a famiglia.
‘E figlie, ‘a sera, ‘o fanno na quadriglia, n’applauso appena sona ‘o campaniello.
Chi ‘a copp’ ‘a seggia ‘o vo’ tirà ‘o cappiello, chi ‘o leva ‘a giacca; e st’ommo se ‘ncuniglia,
nun sape a chi vasa’, nu lassa e piglia, addeventa pur’isso guagliunciello.
E chesta scena priesto ‘o fa scurda’ca tene ‘a maglia ‘a sotto ch’è spugnata.
Guè, jatevenne, ca s’ha da cagna’.
Po’ tutte attuorno a’ tavula, ‘ncastiello.
E quanno ‘a caccavella è scummigliata, appizza ‘e rrecchie pure ‘o cacciuttiello.
Scritta da Raffaele Viviani
Nessun commento:
Posta un commento