Principe Antonio de Curtis - in arte " Totò - Malafemmena

"Malafemmena"

Si avisse fatto a n'ato
chello ch'e fatto a mme,
st'ommo t'avesse acciso,
e vuò sapé pecché?
Pecché 'ncopp'a sta terra
femmene comme a te
non ce hann'a 'sta pe' n'ommo
onesto comme a mme!...
Femmena,
tu si 'na malafemmena...
chist'uocchie 'e fatto chiagnere...
lacreme e 'nfamità.
Femmena,
si tu peggio 'e 'na vipera,
m'e 'ntussecata l'anema,
nun pozzo cchiù campà.
Femmena,
si ddoce comme 'o zucchero
però 'sta faccia d'angelo
te serve pe 'ngannà...
Femmena,
tu si 'a cchiù bella femmena,
te voglio bene e t'odio,
nun te pozzo scurdà...
Te voglio ancora bene
ma tu nun saie pecché,
pecché l'unico ammore
si stata tu pe mme...
E tu pe 'nu capriccio
tutto 'e distrutto, ojné.
Ma Dio nun t' 'o perdone
chello ch'e fatto a mme!...
(Principe Antonio de Curtis - in arte " Totò)