'NA LACREMA 'E MAMMA'.

Nun saccio addo' te truove a 'stu mumento, ma spero ca staje cca' vicino a mme... Guardammo 'nzieme chesta Luna argiento, stanotte 'o scuro è lluce...e j' penzo a tte! 

 Mamma'...guarda 'sta stella comm' è bbella, forse so' ll' uocchie tuoje ca sto' fissanno, a ffianco ce sta' 'n' atu piccerill, so' ll' uocchie mje ca te vanno cercanno! 

 'O cielo se fa' d'oro all' improvviso, cade 'na goccia d'acqua...che sarra'? Forse pruvene 'a coppo 'o Paraviso... Chest' è 'na lacremella toja...mamma'...