Facite comm'a mme, senza timore: cufféjo pure 'a morte e 'a piglio a rrisa... Io so' cuntento meglio 'e nu signore pecché tengo una faccia e una cammisa... E quanno metto 'a lengua 'int'ô ppulito, che ne facite 'a lengua 'e nu paglietta!? Embè, quanto stimate 'a palla 'e vrito, chi vo' stà bbuono, à dda sapé 'a ricetta! Si ll'ommo tutt''e cchiacchiere vulesse sentí dicere, quanta fasule e cícere se mettarría a scartá! E si tenite 'a freva, lassáte stá 'o cchinino... Addó sta 'o mmeglio vino, jatelo a ppigliá llá! Ce steva ‘nu scarparo puveriello, chiagneva sempe ca purtava 'a croce... 'A sciorta lle scassaje 'o bancariello e pe se allamentà...perdette 'a voce! Quann' è 'a staggione, vaco ascianno sulo ’na bbona fritta 'e puparuole forte... ’Nu piezzo'e pane, 'nzieme a ‘nu cetrulo, e 'o riesto, 'o vvotto dint'â capa 'e morte! Che tengo 'e figlie o aggi''a penzá ô pesone? I' faccio ogne arte e ghièsco p''a campata! Si è p''a lucanna, sott'a nu bancone, se dorme frisco e puó passá 'a nuttata... Riguardo ô ttaffiatorio, mm''a scorcio bona 'a máneca e addó se trova 'agliáneco, truvate sempe a mme! Menammo tutto a bbuordo fintanto ca se campa: Dimane, forze, 'a lampa se putarría stutá... Che brutta cosa ch'è a tirá 'a carretta quanno nisciuna mano vótta 'a rota! Nun sèntere cunziglie, nun dá retta, ca senza ll'uoglio chella nun avota! Pe' spartere aggio avuto quacche botta ma nun mme sóngo miso maje paura! na vota, 'int'a n'incendio a Forerotta, salvaje, 'a dint' ô ffuoco, ‘na criatura... Quann'i' so' mmuorto, ll'ànn''a aizá 'sta crapa! Nisciuno chiagne, manco p''o mumento... Ll'esequie è bello e pronto: 'ncapa e 'ncapa e vaco â sala e Ricanuscimento! Quann'è fernuta ll'opera, pezzente o miliunario, s'à dda calá 'o sipario e s'à dda arricettá... Pe cchesto, 'o servo vuosto Tatonno 'e Quagliarella, 'o ccisto 'int'â garsèlla, nun s''o ffa maje mancá... E quanno 'o libbro mio sarrá fernuto, nisciuno diciarrá si è bello o brutto... Ma, primma 'e ve dá ll'urdemo saluto, ne voglio n'atu litro...'e chell'asciutto!
Traduzione:
Fate come me: senza paura prendo in giro anche la morte e le rido (in viso)… io sono contento più di un signore perché ò una (sola) faccia ed una (sola) camicia… E quando mi metto a parlar bene, non c'è paragone con il parlare di un avvocato! Ebbene, per quanto stimate la sfera di vetro (cioè: per quanto credete nel futuro), chi vuole star bene, deve sapere la ricetta! Se l'uomo tutti i pettegolezzi volesse ascoltare, quanti fagioli e ceci dovrebbe scegliere! E se avete la febbre, lasciate perdere il chinino… dove c'è il vino migliore, là andate a prenderlo! C'era un ciabattino poveretto, piangeva sempre che portava la croce… La sorte gli ruppe il banchetto e per lamentarsi… perse la voce! Quando è l'estate, vado cercando solo un’ abbondante frittura di peperoni forti… un pezzo di pane, insieme ad un cetriolo Ed il restante lo caccio in gola! Forse che ò figli o devo pensare alla pigione? Io faccio tutti i mestieri ed esco al mattino (adattandomi ad ogni lavoro )per vivere! Se è per l'alloggio, sotto un banco, si dorme al fresco e puoi trascorrere la notte… Per quanto riguarda il bere ripiego bene la manica ( cioè: sono sempre pronto) e dove c'è il miglior vino, mi trovate sempre là! Buttiamo tutto a bordo (cioè: mangiamo, beviamo e cogliamo il giorno che passa) finché si vive: Domani, forse, il lume (cioè: la vita) potrebbe spegnersi… Che brutta cosa è tirare il carretto quando nessuna mano spinge la ruota! Non ascoltare consigli, non dar ascolto, che senza l’olio quella non gira! Per dividere i litiganti ò avuto qualche percossa ma non ò mai avuto paura! una volta, in un incendio a Fuorigrotta, salvai una bambina dalle fiamme… Quando sarò morto, dovranno togliere questa carcassa! Nessuno piangerà, neanche per un momento… I funerali sono già pronti: portato a braccia finirò nella sala di Riconoscimento (perché probabilmente morirò per istrada). Quando è finita l'opera, povero o milionario, si deve abbassare il sipario e si deve rassettare… Per questo, il vostro servo Tatonno 'e Quagliarella, l'olio nella lampada, non se lo fa mai mancare… E quando il mio libro sarà finito, nessuno dirà se è bello o brutto… Ma, prima di darvi l'ultimo saluto, ne voglio un altro litro… di quello asciutto(vino rosso secco e gagliardo) !
Nessun commento:
Posta un commento