Annascunnuto sotto a nu cartone, ca usa pe' cuperta tutt' 'e ssere, sonna, magari 'e quanno era guaglione, e a' casa ll'aspettava nu vrasiere!
'A vita l'ha purtato sotto 'e stelle, e nu cammino fatto 'e povertà... Nu muorzo 'e pane, ddoje, tre caramelle, tene 'int' 'a sacca...e tanta dignità!
Nun cerca niente, sulo 'na carezza, ma 'a ggente nun fa' caso a' sofferenza... Nemmeno quanno scava 'int' a' munnezza, pe' mettere qualcosa dint' a' panza!
'A luce do' lampione s'è stutata, e cala 'o ggelo attuorno all'improvviso... 'E palummelle se ne so' vvulate... P'accumpagna' 'o barbone 'n' Paraviso!
Nessun commento:
Posta un commento