'O nonno ormaje s' è fatto vicchiariello, ce sente poco, quase nun ce vere... s'appoja 'ncoppo 'o bastone puveriello, deventa triste quanno abbia a ffa' sera.
Camp' isso sulo, tene nuvant' anne, e nu fardello ca è pesante assaje, acciacchi da' vicchiaia, tanti malanne, soffre in silenzio e nun se lagna maje!
Ma quanno po' s'affaccia a 'stu balcone, se scetano e ricorde do' passato, tene vint' anne e colpo...è nu guaglione, 'o core torna allere e 'nnammurato.
Po' fissa 'o vico addo' tant' anne fa', cu' 'a nonna passiggiava mano e mano, che desse dice...p' 'a turna' a vasa'.. S'asciutta ll'uocchie 'nfuse chianu chiano!
Nessun commento:
Posta un commento