LL' ARTISTA!

Nu scoglio a mmare, ddoje, tre varchetelle, ce stanno dint' 'o quadro 'e 'stu pittore... 'A Luna chiena, nu migliare 'e stelle, e ll' onne mentre cagneno culore! 

*** 'Na rezza 'ncoppo 'o muro abbandunata, e nu gabbiano ca lle' ggira attuorno... Nu piscatore pe' passà 'a nuttata, se sturea 'o cielo finché nun fa' juorno! 

*** Me pare da' vede' 'sta scena... è vviva... 'Nce trase dinto mentre 'a tengo mente, pare se move ll'acqua 'nterra a' riva, eppure è 'na pittura sulamente! 

*** LL' arte è nu pregio, nu talento innato, e ce se nasce, nun se po' 'nventa'... LL' artista s'annammora ogni minuto, e ssi fa' nu ritratto...'o fa parla'!