So’ sciso ggià a primma matina:
te sto aspettanno e nnun te faje vedè.
Ogge vulesse ‘a te ‘nu cuntentino...
sulo ‘nu vasillo, ma ne vulesse tre.
Ogge è ddummeneca, me ll’avviss’’a dà.
E’ cquase n’anno ca stongo a spantecà.
Me dice sempe: “ Aspiè, forze dimane”...
e i’ me sto magnanno ancòra ‘e mmane.
Ma stammatina nun voglio cchiù aspettà...
Si nun m’’o daje, c’avimmo appiccecà.
Nessun commento:
Posta un commento