Ma quanno po' 'sta vita è 'na sciagura, vuie mm' 'o chiammate dono chisto cca'?
E nun parlo pe' me ca, stuorto o muorto, riesco a mm'abbusca' 'na mille lire.
Tengo 'a salute e, non faccio per dire, songo uno 'e chille ca se fire 'e fa'.
Ma quante n'aggio visto 'e disgraziate: cecate, ciunche, scieme, sordomute.
Gente ca nun ha visto e maie avuto 'nu poco 'e bbene 'a chesta umanità.
Guerre, miseria, famma, malatie, crestiane addeventate pelle e ossa, e tanta gioventù c' 'o culo 'a fossa.
Chisto nun è 'nu dono, è 'nfamità.
IL PRINCIPE Totò
Nessun commento:
Posta un commento