PULECENELLA (Parente - Pellegrino 1954)

Eccomi qua, Napule amata, Napule bella. Eccomi qua. Mo ll'abballammo 'sta tarantella. Scusate si 'o fantasma d' 'o ppassato, 'mpruvvisamente ccà s'è appresentato. "Si può, si può?" "Chi si'?" "Chi só'? Pulecenella". Stasera ch'è'a serata d' 'e ccanzone, mettimmo 'a samba 'mmiez'ê manduline e po' cantammo sott'a nu balcone: "Fronne 'e limone…". Io chiagno e só' cuntento, cuntento 'e tutt' 'o chianto ca scenne 'a sott' 'a maschera pe' 'sta felicità. Jammo, abballammo. Gente gè', abballate cu'mmé. Tarantè'. Tarantè. Tarantè'. E' samba, sì. Mme smove 'e ggambe 'sta sambetella. E' samba, sì. Ll'abballa pure 'sta lucianella. E' overo, tutt' 'e ddanze só' cagnate, ma sóngo sempe 'e stesse 'e 'nnammurate. State a sentì che ve vò' dì Pulecenella. Stasera ch'è 'a serata d' 'e ccanzone, …………………………………………… E mo Pulecenella se sperde 'mmiez'â folla, se sperde felicissimo 'e ve vedé abballà na tarantella. Gente gè', nun chiagnite cu'mmé. Tarantè'. Tarantè'. Tarantè'.