“Enzù, famme sentì si tiene ‘a freva,
ajere he fatto ‘a tosse, tutt’’o juorno…”-
- "E’ ambresse, Rusì, pe’ me levà ‘a tuorno, 'o Pataterno, ancora, nun me vò!”-
- “Enzù, che dici mai, ma fusse scemo? Ca io, senza ‘e te, comme facesse!!-
- "Rusì, tu senza ‘e me, tu campe ‘o stesso, songh’io ca nun sapesse comme fa!”-
- “Vattenne, va, buffò, che vai dicenno,
tu si’ na quercia, nun t’abbatte mai…”-
- "No, Rusinella mia, tu chesto ‘o ssaje,
fra me e te, ‘a cchiù tosta, ccà, si’ tu!
Tu me prepare ‘e panne, ogni matina,
intanto ca già è pronto ‘o cafettiello,
quand’esco, ncapa, m’accuonce ‘o cappiello, so’ cinquant’anne che faje chesto pe’ mme!”-
- “Va bene, va, ‘a freva nun ‘a tiene,
fatte dduje passe, nun te scurdà ‘o bastone, Dio t’accumpagna, va, va, statte buono e nun tricà, t’aspetto pe’ mangià!”-
Nessun commento:
Posta un commento