Ciccio Formaggio - Nino Taranto

Te 'ncontraje, te parlaje e m'innamorai di te. Mme guardaste, mme diciste: "Mi piacete pure a me". Ma tutt' 'o bbene ca hè ditti sempe 'e mme vulé, è na buscia ch'è asciuta 'ncopp' 'o naso a te. Si mme vulise bene overamente, nun mme facisse 'ncujetà da 'a gente, nun mme tagliasse 'e pizze d' 'a paglietta, nun mme metisse 'a vrénna 'int 'a giacchetta. Si mme vulisse bene, o mia Luisa, nun mme rumpisse 'o cuollo d' 'a cammisa. Si' na 'nfà...,si na 'nfà'..., si' na 'nfama. Te n'abù'...,te n'abù'..., te n'abuse... te n'abuse ca Ciccio Formaggio nun tene 'o curaggio nemmeno 'e parlà. Si sapisse, si vedisse, dint' 'o core mio che nc'è. Compatisse, mme dicisse: "Puveriello, ma pecchè?" Ma 'ncopp' 'o core tu nce tiene 'e pille, 'o ssà, ca nu barbiere nun ce abbasta p' 'e ttaglià Si mme vulisse bene overamente, nun mme facisse 'ncujetà da 'a gente, nun mme tirasse 'e pile 'a dint' 'e rrecchie, nun mme metisse 'o dito dint'a ll'uocchie, nun mme metisse 'a neve dint' 'a sacca, nun mme squagliasse 'ncapa 'a ceralacca. Si' na infà..., .... .................... L'altro giorno, ma che scorno. Vengo a casa e trovo a te spettinata, abbracciata 'nziem'a n'uommo. Beh, ched è? MMe rispunniste: "Chisto vene a te 'mparà come se vasa quanno tu mm'hè 'a spusà". Si mme vulise bene overamente, nun mme facisse 'ncujetà da 'a gente, nun mme menasse 'e streppe 'e rafanielle, nun mme mettisse 'a quaglia 'int' 'o cappiello, nun mme facisse stà, pe' n'ora sana, cu'a pippa 'mmocca e cu 'a cannela 'mmano. Si mme vulisse bene overamente, nun mme facisse 'ncujetà da 'a gente, nun mme pugnisse areto cu 'o spillone, nun mme mettisse 'a colla 'int' 'o cazone, nun mme screvisse, cu nupiezzo 'e gesso, aret' 'o matinè: "Cicci' si' fesso"