Poesia

E' nun suonno sunnato 'a na vita, cu 'a tempesta o cu 'o sole, cu 'o ggelo o cu 'e vviole.... E dorme 'ncopp'o cuscino ogne notte cu mme, pò se sceta 'a matina cu nu surzo 'e cafè.... E stu suonno tene ll'uocchie cchiù belle d''o munno, tene 'e braccia carnale, na voce ca è musica overo.... Tene 'o nomme ca 'o munno se scorda, ma è cchiù doce d''o mmele, e cunzola ogne pena.... Io t''o ddico cu 'o suspiro d''o core, saie qual'è? E' sultanto "AMMORE"