Mmiez ' 'e pazzielle vecchie stammatina, ho trovato un ricordo per me caro...
'Na bambola ca' parla e cca' cammina, m' 'o facette mamma',chistu regalo!
Capelli biondi, luonghe fino a 'e spalle,
nu vestetiello bianco a ffiori blu'...
'Na cravattella 'nganne verde e gialla,
e 'na faccella 'e cera...nu bbjou!
Cumpagna mia fedele do' passato...
Quanti pazzìe facive 'nzieme a mme,
amica 'e 'na criatura spensierata,
chella criatura mo' sta' 'nnanzo 'a tte!
***
Pure si so' crisciuta e 'o tiempo passa,
chesta criatura nunn' è mmaje cagnata,
Crideme amica mia...so' sempe 'a stessa..
E tu...si' stata 'a primma 'nnammurata!
Nessun commento:
Posta un commento