Si t' 'o ddico nun me cride
manco si pittass' 'o sole
pecché 'o munno d' 'e pparole
mpara ll'arte d' 'o pparlà. E tu saje ca st'arte è l'arte
ca se sceglie 'o traditore
pecché l'ommo senza core
fa furtuna c' 'o pparlà. Io, gnorsì, pure sò chillo
c'ha liggiuto e s'è applicato;
c' 'o mestiere s'ha 'mparato,
e se serve d' 'o pparlà... Se capisce ca parlanno,
nciucio, mbroglio... e faccio 'ammore. Ma però tengo nu core
e cu te, che vuò parlà! Eduardo De Filippo
1944
Nessun commento:
Posta un commento