Sò ppassate tant’ anne mmo
e stò chiagnenno ancora,
e nun ce pozzo penzà
ca nun ce staj nun ce sta cchiù!
Tu ca recitave cu tant’ammore
purtanno Napule dint’‘o core…
chi s’‘o pputeva ‘mmagginà
ca ‘o core …proprio chillu llà
‘o scemo se mettette a ffà…
e ‘n Paraviso te vulette purtà!
P’ ‘o dispiacere subbéto
s’ammutolette chesta città!
Quanta gente steva ‘o funerale…
e cu ll’amice tuoje cchiù care
‘nzieme tutt’ o popolo napulitano
chiagnevano lacreme amare!
E tu sotto ‘o bbraccio cu n’angelo
mentre saglive ‘ncielo
salutanno, pazzianno e ridenno…
dicive : Ma che chiagnite a ffà
‘A vulite sapè ‘a verità?
Doje resate pur’Isso s’‘e vvuleva fà!
E doppo diece anne v’‘o ddico mo…
guagliù chill’è ‘o Pataterno…
lle putevo maje dicere ‘e no
Nessun commento:
Posta un commento