Visualizzazioni totali

giovedì 17 maggio 2018

Il filo

Passame 'o filo, dice 'o juorno 'a 'nato, e 'o svolge lentamente d' 'o rucchetto, passene ll'ore e correne p' 'a strata, Maronna, ma che ansia dinto 'o pietto. 

 Mo' pare ca' tenive doie/tre anni e 'ghive 'a scola tutto appriparato, 'a mamma t'annuccava n'coppe 'e panne 'nu fiocco ca' pareva 'affatato. 

 Doppo poch'ore già tu si' crisciuto, e curre appriesso 'a tutte 'e signurine, ca' sigaretta e 'o capello allisciato all'università tu scappe ogni matina. 

 E accussì corre 'o tiempo: 'a fidanzata, 'a sposa, 'e ccriature piccerelle, mentre 'o lavoro se piglia 'a jurnata e 'a sera nun 'o sai si stanno 'e stelle. 

 E po' infine te vire dinto 'o specchio, ca' faccia janca e senza 'nu capillo, nun te accunusce, te spalanche ll'uocchie, e chiagne ncoppo 'a foto e te' nennillo.

Nessun commento:

Posta un commento